"Moitas veces a distancia entre o triunfo e a derrota é un instante (match point), a presenza do azar ou o capricho do destino. Se nos centramos no resultado final máis ca no camiño percorrido estaremos abocados á frustración."

Pablo VAamonde García, GALICIA HOXE, 3 de maio de 2010.

Hai un local na rúa Magdalena de Ferrol que se chama Abaco (se non recordo mal), é un sitio deses que debería haber en todas as cidades, con xente como a que debería haber en todas partes, cun periódico que non hai en moitos sitios, e cunha forma de gardar recordos que poucos mundos poden ter. E en medio dunha eterna crise laboral e case existencial, é bo gardar algúns momentos, é bo ter donde fabricar algúns momentos alimentadores de esperanzas que xa se crían perdidas.